鷲羽 的个人资料～穿越亿万光年时空的彼端～照片日志列表更多  |  工具 帮助 |
|
～穿越亿万光年时空的彼端～~知道吗~我们看到的星空~是遥远彼方~遥远过去的景象~ 6月3日 近期流行的巴士阿叔注意：本篇将唔会屏蔽任何粗俗语言 请阅读浏览者自行用大脑屏蔽 当然你唔一定要屏蔽，都可以大声嗌出嚟的
近期发生係HK嘅巴士阿叔事件瞬间係网上广泛流传 再次证明信息係几咁发达，依家呢个世界要扬名有好多方法 . 讲返正题 第一次睇果段篇嘅时候真係闷到爆 个四眼仔真係睇到你拍心口 俾阿叔喝一下之后就成个呆咗 呢个呆滞状态仲一直维持到阿叔闹完…… 一D有效嘅反应都冇 俾阿叔一面倒咁闹 哈……真係乜人都有 . 至于巴士阿叔虽然整个过程中完全睇唔出佢有咩水平可言 但係出自佢口嘅几句嘢就变咗近期流行语 “你有压力我有压力，你做乜挑衅我啊？” “我依家好len大压力你知唔知啊？我屌你老母” “你係咪好好打先？我屌你老母” “未解决！未解决！未解决！！” “你做咩警告我啊？警告我即係未解决！” “我屌你老母条嘢唔係真係响你老母度咖嘛，呢D係中国粗口” “屌人冇害咖係咪啊” “你拍我膊头，我屌你屌边个啊？” . 呢个短片除咗大家讲开嘅，反应社会人承受好大压力之外 我都觉得部片话咗俾部分天真人士知 粗口呢样嘢係大众社会入面係好常见的 爆粗并唔係咁大不了嘅事 . 而且我哋可以发现中文同大家拼命学嘅英文 都不约而同咁用涉及性嘅字眼嚟闹人 类似屌同f u c k咁样嘅字眼 大声嗌出嚟之后，可以非常有效咁表达同宣泄说话者嘅情绪 从中我哋都可以发现一D人类文化共通点 点解咁多类别的字眼中，性，特别係性行为字眼会被用嚟闹人呢？ 性行为本来就係生物繁衍延续落去的必要手段 呢种制造生命嘅行为其实可以同拯救生命一样 係用正面嘅眼光去睇 点解性行为係人嘅社会入面会蒙上一层负面嘅色彩呢？ 呢个查实N多学者研究论证过，有性趣自己揾嚟睇 虽则知道唔多合理 但係，将性行为字眼当成用嚟闹人嘅词语已经成为默认 我哋听到嘅时候都唔使太吃惊 虽然鼓励文明用语，唔好爆粗 但係非常遗憾目前口语入面冇字眼可以代替使用粗口果种强烈的情感表达同宣泄作用 例如闹交，如果你用“我顶你个肺” 就远不如“我屌len7你个high佬”嚟得畅快淋漓 所以，当你一个唔小心，情绪激动，爆咗粗 都唔使咁内疚，因为你冇得选择，除咗呢句， 冇第二句俾你拣可以更有效表达你 同样，当你某日听到一个平时斯斯文文嘅人爆粗 唔使吃惊害怕或者歧视佢 爆粗果个係情绪高涨啫 . 当然， 成日爆粗，开口埋口性行为 一句话包含有几个性器官果D朋友就要注意检点收敛啦 你嘅语言已经变咗一种环境污染了 你咁做并唔係发扬紧有几千年历史嘅汉语文化 所谓过犹不及啊 巴士阿叔就係一个好例子 你屌个四眼仔一两句就够啦 句句都嚟 何必呢，影响几唔好 直头吓亲观众、听众 如果只信自己知道的钢炼OVA入面貌似有句咁上下意思的对白 人因为害怕未知害怕同自己唔一样的物体 所以会排斥同自己唔一样的物体 于是…………有了战争（跳跃真大……） . 于是应该係咁样嘅 书法家鬼画符 指挥家发羊吊 哲学家发up疯 科学家厄细路 因为我净係信自己知道的 呢D我唔知嘅唔清楚冇做过 当然就咁样睇了～相当合理下哇 . 合理 但点解如果接受下呢D奇形怪状的物体会係点呢？ 书法家线条美 指挥家节奏好 哲学家思想深 科学家逻辑强 . 人就係莫明其妙咁天生排斥异己 冇计 庆幸自己係物体唔係人 几时先可以成为南北呢……？ 毕你业嘅晚你个会世界上貌似有样物体叫学校毕业晚会，貌似啫 咁多年嚟从未接触过 今日亦都依然唔知道呢个叫做学校毕业晚会嘅物体係乜Q样 本来好想去摸下闻下咬下（如果呢样物体真係食得嘅话） 因为传闻中，佢係可以经由器官消化，永久留係体内的 于是都曾经准备满怀期待去食饱佢 . 之不过传闻呢样嘢并唔係100％可靠 传到天花乱坠都好啦，实际都可能根本冇呢回事 而传说中的学校毕业晚会又咁啱咁好彩 正係盛传之下嘅流嘢 乜话？係坚嘢？你食过？仲好好味？好好营养添？变咗你身体重要组成部分添啦？ 恭喜哦～ 不过唔好意思 我坚持佢係流嘢 点解？ 因为根本就冇呢回事，搞嚟搞去我都仲係冇佢嘅概念 学校呢？毕业呢？晚会呢？係边啊？ 满怀期待准备咗一轮乜Q嘢都冇係我眼前出现 点食啊？好多人去食咗？你俾我咬你一啖啊？ 我唔係食人族唔好意思，食咗人我会肚屙的，你都係节省D啦 . 毕你业嘅晚你个会 一个传说中嘅流嘢～浪费我表情 . 其他传闻仲有咩巴闭嘢？ 聚餐？典礼？ 好巴闭咩？ 冇了吧～ 有都好 唔会再信的了 咩合理的营养结构丰富的营养物质，厄鬼啊 我mark大口食西北风好过 至少叫做有嘢落肚 费事得个饿字 1月22日 ～悠长假期～有言道：小别胜新婚～咁久别呢？ 记挂住嘅老婆仔虽然只係相隔几十公里 随时都可以去见佢 但係呢种分隔嘅感觉好遥远，好似去极都去唔到咁 做学生十几年以来首次觉得假期太长唔好受… 不过亦都再冇机会放咁悠长假期了 身为学生而度过最后假期嘅关键词 思念，联系，回想，预想，论文，度假
从来未谂过假期会结束，365日之后又係另一个假期 当终于来到悠长假期终结处嘅时候 先察觉到，哦～原来365日之后唔会再有假期嘅来临 呢个最后的悠闲入面，好多从来冇体会过嘅嘢涌晒出嚟 第一次咁想用各种方式尽量去同一个人保持联系 第一次係假期咁认真去睇学习有关嘅书 第一次觉得假期太短嘅同时又觉得太长 第一次有尽量玩同时又想尽量学习嘅冲动
好想再次体会小学初中果阵嘅完全放松与游戏嘅心情 但係自己好似已经冇咗呢种投入感了 游戏时会好自然咁谂到仲有好多嘢要去做…… 唔知以后会唔会更严重呢
好快就脱离无产阶层了 有D兴奋+激动 终于唔使得个睇字可以亲自落场玩了 终于可以对某D眼光作回应了 一直以嚟嘅忍耐可以稍微变为行动了 虽然都仲係要继续忍一段唔知长定短嘅时间
十几年嘅学习都係时候总结下了 以几千字嚟体现呢十几年嘅成果 有必要好好咁准备、思考
假期嘅意义在于暂停 回头看看闭目思索然后再伸长条颈向前望 咁转头睇咗谂过又望埋仲有时间剩呢，点算？ 呵呵 剩低嘅时间就用嚟享受下呢各种各样嘅感觉好了 1月14日 ～更新降临～哈哈～～我又嚟更新space啦～ 呢排嘅事实在太多啦 我睇睇从边度讲起先 从拍DV讲起？好似之前仲有嘢嘅，但係唔係太记得咗…… 嗯～就讲拍DV先 话说我哋个电影课期末成绩就由一部自拍DV决定 于是乎，我就贪得意咁嚟拍啦 报咗课程的人两极分化，有D好有兴趣，有D完全冇咗回事 浑浑噩噩糊里糊涂乱七八糟九唔搭八咁所谓拍摄咗个几星期 哈哈 原始映象积累完毕 但係呢一大揸毫无关联嘅画面点先可以拼成一部所谓嘅DV呢？？ 经过3晚通宵作业，我发挥最新习得的现代派、后现代派技能 终于拼到22分钟42秒嘅映象+画面 哇哈哈哈哈哈哈哈哈哈哈哈哈哈哈哈哈 简直乱嚟……都唔好意思同老师讲呢个就係我哋班个期末作品…… 不过最意外就係某人居然係首映嘅时候睇到喊 唔猪係痛心疾首嘅喊定係俾部无厘头片吓亲…… 反正有一个观众有少少反应已经算係不枉我3日冇瞓了 然之后就係期末考试啦 今次係我哋大学生涯最后嘅考试了 因为下学期大部分人都冇课了，包括我 其实谂返起呢个学期我真係乖 我敢拍心口话 呢个学期全级冇人够我上课上得多（除咗面试果两堂同埋剪DV走咗果两堂） （虽然好多课去到都唔係100％听课……但至少都坐係课室唔係瞓係床上……） 到咗考试复习啦～就发现坐係课室嘅好处了 见到一个二个复习乱七八糟冇咩头绪嘅时候 暗爽，嘿嘿，呢个我知道果个我都知道，虽然记得唔係太清楚…… 似乎今个学期係大学3年几嚟学得最多嘢嘅 起码外国文学係 从19世纪俄国现实主义到20世纪现代派 （时间唔够冇讲完呢个真可惜，仲有后面的后现代派其实更精彩……） 结果我嘅毕业论文都係选咗呢个领域嚟写 老实讲，虽然班上唔少女人对四新叔叔有意见 话唔了解广外风格，唔理解学生，太严格，不近人情等等等等 其实，呢3年几嚟，大家都俾自己的懒惰同埋老师的宽容纵坏晒了 好似吴璇李砾呢类慈母型嘅老师，一向对大家的体贴 搞到唔少人都误会咗老师嘅原意 大学嘅自由并唔等于可以乱嚟吧 唔少人对于老师嘅合理要求反而觉得不可思议 呢种咁嘅事就真係够晒不可思议…… 揾工、考研、考证一大堆冠冕堂皇嘅理由纵容自己 其实呢D理由本身冇问题，都非常合理，大四的确有好多嘢要做 问题係，有D做法可以稍微更有技巧D的，唔使话搞到敌对关系咁 问心果句，今个学期嘅任课老师已经够晒体贴大家的了 咁样都依然抱怨老师就真係太…… 我最记得冬梅讲嘅一段话： 很奇怪你们班怎么这么少人来，但又不和老师说一下 第一节就说了考研的和我打个招呼，交些作业 不来上课也可以 但是到现在（那时已经11月底）没有人来找我 点名时又好几个说考研复习，你们到底怎么了？ 李砾的课： 我还是觉得选修课应该给同学们自己选择 点名这些我不喜欢 来了我就尽量和大家多说一点 老於的某堂课： 怎么就这么几个人（那天不到10人在） 我们开始上课吧 吴璇第一堂： 我觉得同学们还是要来上课的啊 这个档案管理对大家日后工作还是很有帮助的 （事实上档案那个课室根本坐不下选课的人的 而每次都剩不少位子……但最后也没把大家怎么样） 李惠娟的外事： 从来就不提出席状况 几乎每堂也就那么10几人左右 来的那些在下面聊天吵翻了（绝对是最吵的课） 课还是继续上 红梅姐姐的逻辑： 老师一开始吓了一下全班人 所以学期前半还好 后面渐渐发现原来老师是很好商量的时候…… 我不想用“欺负”这个词 虽然大家都是笑着和老师说，但给我的感觉就是这样， 连考试也讨价还价……真的觉得：太过分了吧…… 苏春的口语： 可能是最人齐的课了 你可以说是基英的课程比较霸道， 也可以说敌不过苏春的口才和手腕 觉得大家还是很不错的哦——苏春的原话 比较文学： 记得第一节，整个课室塞爆了 越来越少 到最后不少人也只是胡乱弄篇东西混了这两个学分 你们骗不了老师，老师一看就知道，骗的只是你自己——四新的原话 刘海玲的电影： 我不希望到学期末，没怎么来上课的同学只是混个分数 事实上最后的DV还是有混分数的 找工？学习？私事？忙？ 只想说：不只是你才有这些事要忙的。有稍微想过要出点力参与进来吗？ 其实可以做到的事有很多，稍微积极点而不是这样消极被动等待 最后的DV可以做得好很多的 李斌哥哥的红楼： 到底有多少同学真的看完这部著作并对它有兴趣的呢？ 我知道有的同学只是为了两个学分 这是第一节老师的问题 张瑾阿姨的交际语言： 也是根本坐不下这么多人的课，可每次都有不多也不少的空位 点名提问的时候，没来的同学你们找人帮他/她应一下 说哪里哪里痛就好啦，这样至少不会没人回应我的提问 还好最后的辩论考试还像点样子 四新的外国文学： 被不少人咒骂的课程 被不少人视为恶魔的老师 但课上有一句话： 这是必修课，不是你喜欢上就上不喜欢就不上的。 哈～这里就真的点出要害了 这么严厉地指责同班3年多的同学感觉怪怪的 但这些话想说很久了： 你哋呢D人未免太自大了 声大夹恶好似大条道理咁 7 Sins嘅第一罪：傲慢 用红字刺係你哋面上就最适合不过了 因为之前嘅老师一贯的宽容而放大咗你哋嘅自我意识 为所欲为 用忙嚟做借口之前请反思有几多时间係用咗嚟玩 用复习嚟做理由嘅时候请反省自己嘅态度同做法係咪太任性太恶劣太自我中心呢 将自己面临的难题以及所带嚟嘅烦恼不稳定情绪发泄係对课程对老师嘅抱怨上面 係咪会稍微觉得有DD唔妥呢？从来没谂过係自己唔啱？ 全国大把人要揾工要考证要复习 就你哋咁叼？ 傲慢～！ 不过呢D都过去了 大学最后嘅课都上完了 最后一堂 外国文学，魔幻现实主义，《百年孤独》，所有的一切都在这里告一段落了 以后就怀念吧……大家 能在大学最后的时刻遇上这样的一位先生 请记住最后的板书： “因信称义”，“到头我辈都接受” 这样的一些文字写在我们最后的课的黑板上！ 呼～ 讲完上课 到考试 最后嘅考试其实都唔算难 但都係一如既往好心虚咁温书温到两三点先瞓 考完了 好似有少少失落 莫名其妙嘅失落 哈……莫名其妙…… 之后10号当日下午就几乎全班人闪咗去自助餐 以后难有咁样嘅集体活动了 想凑齐人几乎冇可能嘅了 大概只有影毕业相果阵 至于毕业旅行……越嚟越觉得冇可能搞得成 就算去得成都会好郁闷 经过今次组织去自助餐 我非常严重咁体会到我哋呢班人係散晒嘅了 几乎係冇咩呢个集体嘅意识 係一齐都係一小群一小群咁活动 係我太强求？以为一定要一齐笑先算係一个班？ 呢种感觉局外人嚟睇可能会更加清晰 自己身处其中唔会觉得有咩唔妥 但我偏偏觉得唔妥，唔通我自己本身已经变咗局外人？ 真讽刺 然后当晚又去咗K 乱咁叫，喊惊咁……声都沙晒……怕怕…… 再嚟就係讲老婆仔了 一再阻止失败之后，雪糕仔最终都係去咗实习 我仲要亲自送佢入虎口添 冇阴功 感觉就好似古时 果D阿妈劝说个仔唔好上战场，失败 然后只好整件竹甲俾个仔，睇住个仔去做马前卒咁 呢种心情真係…… 好彩我心理承受力强……唔係痴线都有份 今日一路表情僵硬， 结果要用阿布式嘅商业表情（唔明白请参考卡通《热带雨林的爆笑生活》）嚟对住老婆仔 笑唔出嘅时候变阿布真好用 但係会觉得咁样係欺骗咗老婆仔 只不过唔笑又唔得 愁眉苦面咁又会搞到老婆乱谂嘢 我笑我笑我笑笑笑（白痴状……） 送完老婆返嚟觉得好攰 身心疲累（可能係扮阿布嘅副作用……） 四肢乏力头晕身热（其实係再次病鬼咗…………） 食药碌上床瞓到猪头咁 起身迷迷糊糊 同老婆飞咗阵短信 溜咗去饭堂食咗两碗粥 病态中忽然觉得成个世界好破败咁 灰暗嘅天（其实只係开始天黑） 稀疏嘅人（其实係放假走咗唔少人） 郁闷的空气（其实係有人係我隔离食烟） 连食物都变得乏味（其实我食嘅係白粥） 天啊（其实同个“天”冇乜关系，只係大家习惯性咁呼喊） 老婆唔身边嘅日子真痛苦（铺垫咗咁耐终于写出重点了） 虽然係咁……但我好似依然花天酒地（其实只係食饭+宵夜，冇花冇酒嘅） 食粥返嚟之后路过发现梦飞聚会 作为路人加入咗 以为只係食个饭， 去坐坐倾下计就算咯（因为两碗粥係好饱肚嘅，兼且病Q咗唔敢乱食嘢） 点知去到食食下消灭咗好多食物……（事实再次证明我个胃好大） 然之后係度玩卡牌游戏（唔觉唔觉玩到好夜） 期间打咗N次电话俾老婆（N>=3） 老婆对我嘅花天酒地好似冇咩意见（其实我有DD犯罪感，虽然係莫须有嘅，真莫名其妙） 同老婆仔讲晚安之后冇耐（谂住闪人嘅了其实……） 又换咗种玩法继续玩（其实听日有团购，不过难得期末聚会，同大家玩多阵啦） 然后玩输罚饮茶（所以我到依家都未有眼瞓嘅迹象！！顶！！） 真係健康嘅啫我哋（搞到瞓唔着都叫健康……） 跟住飞飞飞咗条短信嚟提醒我返去觉觉猪（好嘢～听日就团购了～MKII2.0～） 返嚟之后精神到鬼咁（其实应该第一时间碌上床嘅……） 于是谂住稍微开下电脑（呢个绝对係错误选择……） 写下space都好哦，咁耐冇更新（发现有好多嘢可以写） 一写就停唔到（病傻咗大概……） 好似就嚟天光添……（雀仔叫了……） 觉觉猪……更新完毕（其实好似仲有好多嘢写……）
好耐冇踩脚印忽然发现我好耐冇四围去人哋嘅Space踩脚印了 嗯…… 得闲要去踩 用力踩 四围踩 踩咗自己个先 饮水机的故事话说某日宿舍部饮水机漏水 于是我就冲过去13栋换一部 阿姨态度好好咁叫我自己係隔离房攞部换就得 见到墙边放住7部 我顺手拣部就走了 返到嚟 放桶水上去…………………… 个出水口好似喷泉咁……………… 嗱嗱临即刻又去换 今次冇事了啩…… 放咗30分钟左右……发现地又湿晒…… 部饮水机四面八方漏水……天啊……一部犀利过一部…… 轮到飞飞去换 貌似冇事了 放咗30分钟以上都ok 哈哈，煲水食药～～～～ 煲…… 煲唔到水嘅～？？？？？？ 顶 又换，今次峰哥去 心惊胆跳放桶水上去 试试出水～噢耶～～～ 顺利出水，仲出到停唔到添…… 再换………… 峰哥返嚟话……再换就冇嘅了 得返一部…… 好彩…… 今次终于得了……一日换N部饮水机 本来满满嘅一桶水 漏到冇咗…… 11月27日 罚企……其实～ 细个果阵老师罚企係一件好有远见嘅事 从小训练我哋，为我哋打好基础 所谓练兵N日，用于一时 招聘会其实就係实战嘅罚企 烈日当空～成身黑色套装…… Oh……God…… 所以今日休息…… 各位继续罚企嘅同学……加油啊 11月13日 黑色的命运、残缺的自由今晚打开新嘅命运 一睇 发现原来黑色嘅命运都唔错 同时又唔觉意发现自由係残缺嘅…… 点解次次我都咁好彩嘅呢……？ 咁多人冇事偏偏我中招 都好嘅，我有呢D冇乜人有嘅经验 好彩係依家发觉，唔係整整下先知 依家唔理住了 反正知道就得 到时点处理，迟D先算 玩住先 |
|
|||||
|
|
